Par Godson Sériphin
Aprè 4 jounen boul nan chanpyona nasyonal premye divizyon an, pa manke chif ki enteresan pou ta bay. Pi bon defans, pi bon atak, kantite match ki jwe, sa ki fè pi bon rezilta, Ferisports chwazi 10 pami anpil bagay ou dwe konnen yo pou pote pou ou aprè 4 jounen.
1) Se pou premye fwa depi seri retou a kòmanse, yon jounen (4èm) anrejistre tout viktwa sa yo. 8 viktwa ak 1 match nil.
2) Aprè 4èm jounen an, Racing CH se ekip ki pran plis gòl. Li ankese 9 nan 3 match. Cosmopolites vini aprè ak 8 gòl.
3) Aprè li fin bat Racing CH nan stad Sylvio Cator, Don Bosco se ekip ki genyen yon match ak plis gòl (4).
4) 40 gòl deja make nan chanpyona a. Cosmopolites ak Racing ankese 42,5% (17) gòl nan kantite ki make deja a.
5) Ak yon rasyo 2 gòl/match, Don Bosco se ekip ki make plis gòl nan chanpyona a aprè 4 jounen. 8 gòl nan 4 match.
6) Sou 38 match ki te pwograme, 7 nan yo pa rive jwe. 6 nan sèlman premye jounen an kote abit yo te boude kèk match pou egzije bon kondisyon travay. 2 match nan 7èm jounen an deja jwe tou pou Cavaly ak Don Bosco ki pral jwe konpetisyon Flow Caribbean nan.
7) Nan 31 match ki rive jwe yo, si nou kontwole 2 match avanse 7èm jounen an, genyen 18 viktwa e 13 match nil ki deja anrejistre.
8) Racing FC se ekip ki fè plis match nil (3) bò kote Cavaly ak AS Mirebalais. Cavaly jwe 5 match, Racing FC ak AS Mirebalais jwe 4.
9) Gen 5 ekip poko janm genyen nan seri retou a. Se Racing FC, Baltimore SC, Cosmopolites FC, America ak Racing CH.
10) Tempête FC se inik ekip ki poko pran yon grenn gòl nan chanpyona a. Li enskri yon sèl grenn tou.
